호흡부호 보기
강세부호 보기
장단부호 보기
작은 Iota 보기
모든 부호 보기
τὰ μὲν ἱέρ’ ἡμῖν ἐστιν ὦρνιθεσ καλά· ἀλλ’ ὡσ ἀπὸ τοῦ τείχουσ πάρεστιν ἄγγελοσ οὐδείσ, ὅτου πευσόμεθα τἀκεῖ πράγματα. ἀλλ’ οὑτοσὶ τρέχει τισ Ἀλφειὸν πνέων. ποῦ ποῦ ’στι, ποῦ ποῦ ποῦ ’στι, ποῦ ποῦ ποῦ ’στι ποῦ, ποῦ Πισθέταιρόσ ἐστιν ἁρ́χων; οὑτοσί. ἐξῳκοδόμηταί σοι τὸ τεῖχοσ. εὖ λέγεισ. κάλλιστον ἔργον καὶ μεγαλοπρεπέστατον· ὥστ’ ἂν ἐπάνω μὲν Προξενίδησ ὁ Κομπασεὺσ καὶ Θεογένησ ἐναντίω δύ’ ἁρ́ματε, ἵππων ὑπόντων μέγεθοσ ὅσον ὁ δούριοσ, ὑπὸ τοῦ πλάτουσ ἂν παρελασαίτην. Ἡράκλεισ. τὸ δὲ μῆκόσ ἐστι, καὶ γὰρ ἐμέτρησ’ αὔτ’ ἐγώ, ἑκατοντορόγυιον. ὦ Πόσειδον τοῦ μάκρουσ. τίνεσ ᾠκοδόμησαν αὐτὸ τηλικουτονί; ὄρνιθεσ, οὐδεὶσ ἄλλοσ, οὐκ Αἰγύπτιοσ πλινθοφόροσ, οὐ λιθουργόσ, οὐ τέκτων παρῆν, ἀλλ’ αὐτόχειρεσ, ὥστε θαυμάζειν ἐμέ. ἐκ μέν γε Λιβύησ ἧκον ὡσ τρισμύριαι γέρανοι θεμελίουσ καταπεπωκυῖαι λίθουσ. τούτουσ δ’ ἐτύκιζον αἱ κρέκεσ τοῖσ ῥύγχεσιν. ἕτεροι δ’ ἐπλινθοφόρουν πελαργοὶ μύριοι· ὕδωρ δ’ ἐφόρουν κάτωθεν ἐσ τὸν ἀέρα οἱ χαραδριοὶ καὶ τἄλλα ποτόμι’ ὄρνεα. ἐπηλοφόρουν δ’ αὐτοῖσι τίνεσ; ἐρωδιοὶ λεκάναισι. τὸν δὲ πηλὸν ἐνεβάλλοντο πῶσ; τοῦτ’ ὦγάθ’ ἐξηύρητο καὶ σοφώτατα· οἱ χῆνεσ ὑποτύπτοντεσ ὥσπερ ταῖσ ἄμαισ ἐσ τὰσ λεκάνασ ἐνέβαλλον αὐτοῖσ τοῖν ποδοῖν. τί δῆτα πόδεσ ἂν οὐκ ἂν ἐργασαίατο;
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기