Aristotle, Agon, antepirrheme 1:

(아리스토텔레스, Agon, antepirrheme 1:)

οἴμοι τάλασ οἱοίσ πιθηκισμοῖσ με περιελαύνεισ. οὔκ, ἀλλ’ ὅπερ πίνων ἀνὴρ πέπονθ’ ὅταν χεσείῃ, τοῖσιν τρόποισ τοῖσ σοῖσιν ὥσπερ βλαυτίοισι χρῶμαι. ἀλλ’ οὐχ ὑπερβαλεῖ με θωπείαισ· ἐγὼ γὰρ αὐτὸν προσαμφιῶ τοδί· σὺ δ’ οἴμωζ’ ὦ πόνηρ’. ἰαιβοῖ. οὐκ ἐσ κόρακασ ἀποφθερεῖ βύρσησ κάκιστον ὄζων; καὶ τοῦτό <γ’> ἐπίτηδέσ σε περιήμπεσχ’, ἵνα σ’ ἀποπνίξῃ· καὶ πρότερον ἐπεβούλευσέ σοι. τὸν καυλὸν οἶσθ’ ἐκεῖνον τοῦ σιλφίου τὸν ἄξιον γενόμενον; οἶδα μέντοι. ἐπίτηδεσ οὗτοσ αὐτὸν ἔσπευδ’ ἄξιον γενέσθαι, ἵν’ ἐσθίοιτ’ ὠνούμενοι, κἄπειτ’ ἐν ἡλιαίᾳ βδέοντεσ ἀλλήλουσ ἀποκτείνειαν οἱ δικασταί. νὴ τὸν Ποσειδῶ καὶ πρὸσ ἐμὲ τοῦτ’ εἶπ’ ἀνὴρ Κόπρειοσ. οὐ γὰρ τόθ’ ὑμεῖσ βδεόμενοι δήπου ’γένεσθε πυρροί; καὶ νὴ Δί’ ἦν γε τοῦτο Πυρράνδρου τὸ μηχάνημα. οἱοίσί μ’ ὦ πανοῦργε βωμολοχεύμασιν ταράττεισ. ἡ γὰρ θεόσ μ’ ἐκέλευσε νικῆσαί σ’ ἀλαζονείαισ. ἀλλ’ οὐχὶ νικήσεισ. ἐγὼ γάρ φημί σοι παρέξειν ὦ Δῆμε μηδὲν δρῶντι μισθοῦ τρύβλιον ῥοφῆσαι. ἐγὼ δὲ κυλίχνιόν γέ σοι καὶ φάρμακον δίδωμι τἀν τοῖσιν ἀντικνημίοισ ἑλκύδρια περιαλείφειν. ἐγὼ δὲ τὰσ πολιάσ γέ σοὐκλέγων νέον ποιήσω. ἰδοὺ δέχου κέρκον λαγῶ τὠφθαλμιδίω περιψῆν. ἀπομυξάμενοσ ὦ Δῆμέ μου πρὸσ τὴν κεφαλὴν ἀποψῶ.

일치하는 문장이 없습니다.

SEARCH

MENU NAVIGATION