헬라어 문장 검색 - ΑριστίΑρσΡηετ́1́08́

(아리스티데스, 아일리오스, Ars Rhetorica, περὶ πολιτικοῦ λόγου, περὶ δεινότητοσ.)

δεινότησ δὲ γίνεται κατὰ γνώμην μοναχῶσ, εἰ δέ τισ κατ’ ἄλλο τι οἰέται, πλεῖστον διαμαρτάνει. δεινότησ δέ ἐστιν, ὅταν τισ πόρρωθεν χρήσιμόν τι ἑαυτῷ προδιοικῆται, ὡσ ἐν τῷ κατὰ Ἀριστοκράτουσ ὁ Δημοσθένησ βουλόμενοσ δεῖξαι ὅτι σφαλερὸν καὶ κατὰ τῆσ πόλεώσ ἐστι τὸ ἕνα τῶν Θρᾳκῶν βασιλέων κύριον γενέσθαι, πόρρωθεν λαβὼν κατασκευάζει, ὅτι τὸ ἀσθενῆ εἶναι τὸν Κερσοβλέπτην, ᾧ στρατηγεῖ ὁ Χαρίδημοσ, τοῦτο φρουρά ἐστι Χερρονήσου, ὥστε τὸ ἐναντίον καταλυθῆναι μὲν τοὺσ πλείστουσ βασιλεῖσ, εἰσ ἕνα δὲ τὸν Κερσοβλέπτην περιελθεῖν διὰ τοῦ Χαριδήμου κίνδυνόσ ἐστι Χερρονήσῳ. πόρρωθεν οὖν προδιῳκήσατο τὸ ψηφίσασθαι ἀγώγιμον εἶναι τὸν ἀποκτείναντα Χαρίδημον, φοβερὸν ποιεῖ Κερσοβλέπτην, οὗτοσ δὲ αὐξηθεὶσ καταλύσει τοὺσ ἄλλουσ βασιλεῖσ, δι’ οὓσ σώζεται Χερρόνησοσ. ὡσ δ’ ἂν καὶ ἐξ αὐτῶν τῶν εἰρημένων κατάδηλόν σοι γένηται, ἔστι δ’ ἀνάγκη πρῶτον ἁπάντων εἰπεῖν καὶ δεῖξαι τί ποτέ ἐστι τὸ Χερρόνησον ὑμᾶσ ἀσφαλῶσ ἔχειν πεποιηκόσ· διὰ γὰρ τοῦ μαθεῖν τοῦτο καὶ τἀδίκημα σαφῶσ ὄψεσθε. ἔστι τοίνυν, ὦ ἄνδρεσ Ἀθηναῖοι, τοῦτο, τελευτήσαντοσ Κότυοσ Βηρισάδην καὶ Ἀμάδοκον καὶ Κερσοβλέπτην τρεῖσ ἀνθ’ ἑνὸσ γενέσθαι Θρᾴκησ βασιλέασ· συμβέβηκε γὰρ αὑτοῖσ μὲν ἀντιπάλουσ εἶναι τούτουσ, ὑμᾶσ δὲ ὑπέρχεσθαι καὶ θεραπεύειν. τοῦτο τοίνυν βουλόμενοί τινεσ παῦσαι καὶ καταλῦσαι μὲν τοὺσ ἑτέρουσ βασιλέασ, παραδοῦναι δὲ τῷ Κερσοβλέπτῃ τὴν ἀρχὴν ἅπασαν, διαπράττονται σφίσι τοῦτο γενέσθαι τὸ προβούλευμα. δεινότησ δέ ἐστι καὶ τὸ πρὶν θεῖναι ἀνελεῖν τι πόρρωθεν ἀντιπῖπτον αὐτῷ.

πῶσ οὖν ἐκ τοῦ συνειπεῖν Φιλοκράτει ᾐσθημένοσ με δῶρα εἰληφότα ἐπὶ τὴν ἡμετέραν πρεσβείαν κεχειροτονημένοσ, σὺν ἡμῖν ὑπέμεινασ πρεσβεύειν καὶ οὐκ ἐξωμόσω; πρὸσ τοῦτο ἀντιθεὶσ ἄνευ προτάσεωσ τὴν ἀντίθεσιν ταύτην, τότε τὴν λύσιν ἐπήνεγκεν. ὡμολογήκειν γὰρ τοῖσ αἰχμαλώτοισ λύτρα κομιεῖν, καὶ διὰ τοῦτο δεύτερον ἐπρέσβευσα, ἵνα αὐτοὺσ λύσωμαι καὶ σώσω εἰσ δύναμιν· δεινὸν οὖν ψεύσασθαι καὶ προέσθαι ἀτυχοῦντασ ἀνθρώπουσ πολίτασ. πρότασισ ἂν ἔδοξεν εἶναι καὶ πλάττεσθαι πρὸσ τὸ συμβὰν μετατεθειμένοσ, νῦν δὲ πρὶν θεῖναι τὴν πρότασιν προλαβὼν ἔθηκε τὸ κατὰ τοὺσ αἰχμαλώτουσ τῇ ἀντεξετάσει τῶν χρόνων. ἐν ᾗ διετρίβομεν ἐν Μακεδονίᾳ, τί ἑκάτεροσ προείλετο πράττειν; ἐγὼ μὲν τοίνυν τοὺσ αἰχμαλώτουσ ἀνασώζειν καὶ ἀναζητεῖν καὶ παρ’ ἐμοῦ χρήματα ἀναλίσκειν, οὗτοσ δὲ αὐτίκα ἀκούσεσθε τί ποιῶν διετέλεσεν. τοῦτον τὸν τρόπον προδιοικησάμενοσ τὰ περὶ τοὺσ αἰχμαλώτουσ νῦν προάγει καὶ αὐτὴν τὴν πρότασιν ἐπὶ προδιῳκημένῃ τῇ λύσει, ὅταν δ’ οὗτοσ αὐτίκα δὴ λέγῃ πρὸσ ὑμᾶσ, τί δήποτε ὡσ φῄσ, ὦ Δημόσθενεσ, ἀπὸ τοῦ συνειπεῖν ἐμὲ Φιλοκράτει γνοὺσ οὐδὲν ὑγιὲσ πράττοντασ ἡμᾶσ, τὴν μετὰ ταῦτα πρεσβείαν τὴν ἐπὶ τοὺσ ὁρ́κουσ συνεπρέσβευσασ πάλιν καὶ οὐκ ἐξωμόσω; ταῦτα μέμνησθε, ὅτι τούτοισ ὡμολογήκειν, οὓσ αὐτὸσ ἐλυσάμην, ἥξειν καὶ κομιεῖν λύτρα καὶ σώσειν εἰσ δύναμιν· δεινὸν οὖν ἦν ψεύσασθαι καὶ προέσθαι δυστυχοῦντασ ἀνθρώπουσ πολίτασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristides, Aelius, Ars Rhetorica, περὶ πολιτικοῦ λόγου, περὶ δεινότητοσ.

(아리스티데스, 아일리오스, Ars Rhetorica, περὶ πολιτικοῦ λόγου, περὶ δεινότητοσ.)

상위

목록

SEARCH

MENU NAVIGATION