호흡부호 보기
강세부호 보기
장단부호 보기
작은 Iota 보기
모든 부호 보기
Τοῦ δ’ αὐτοῦ χρόνου περὶ τὴν Ἰταλίαν μονομάχων ἐσ θέασ ἐν Καπύῃ τρεφομένων, Σπάρτακοσ Θρᾲξ ἀνήρ, ἐστρατευμένοσ ποτὲ Ῥωμαίοισ, ἐκ δὲ αἰχμαλωσίασ καὶ πράσεωσ ἐν τοῖσ μονομάχοισ ὤν, ἔπεισεν αὐτῶν ἐσ ἑβδομήκοντα ἄνδρασ μάλιστα κινδυνεῦσαι περὶ ἐλευθερίασ μᾶλλον ἢ θέασ ἐπιδείξεωσ καὶ βιασάμενοσ σὺν αὐτοῖσ τοὺσ φυλάσσοντασ ἐξέδραμε· καί τινων ὁδοιπόρων ξύλοισ καὶ ξιφιδίοισ ὁπλισάμενοσ ἐσ τὸ Βέσβιον ὄροσ ἀνέφυγεν, ἔνθα πολλοὺσ ἀποδιδράσκοντασ οἰκέτασ καί τινασ ἐλευθέρουσ ἐκ τῶν ἀγρῶν ὑποδεχόμενοσ ἐλῄστευε τὰ ἐγγύσ, ὑποστρατήγουσ ἔχων Οἰνόμαόν τε καὶ Κρίξον μονομάχουσ. μεριζομένῳ δ’ αὐτῷ τὰ κέρδη κατ’ ἰσομοιρίαν ταχὺ πλῆθοσ ἦν ἀνδρῶν· καὶ πρῶτοσ ἐπ’ αὐτὸν ἐκπεμφθεὶσ Οὐαρίνιοσ Γλάβροσ, ἐπὶ δ’ ἐκείνῳ Πόπλιοσ Οὐαλέριοσ, οὐ πολιτικὴν στρατιὰν ἄγοντεσ, ἀλλ’ ὅσουσ ἐν σπουδῇ καὶ παρόδῳ συνέλεξαν οὑ̓ γάρ πω Ῥωμαῖοι πόλεμον, ἀλλ’ ἐπιδρομήν τινα καὶ λῃστηρίῳ τὸ ἔργον ὅμοιον ἡγοῦντο εἶναἰ, συμβαλόντεσ ἡττῶντο. Οὐαρινίου δὲ καὶ τὸν ἵππον αὐτὸσ Σπάρτακοσ περιέσπασεν· παρὰ τοσοῦτον ἦλθε κινδύνου Ῥωμαίων ὁ στρατηγὸσ αὐτὸσ αἰχμάλωτοσ ὑπὸ μονομάχου γενέσθαι. Μετὰ δὲ τοῦτο Σπαρτάκῳ μὲν ἔτι μᾶλλον πολλοὶ συνέθεον, καὶ ἑπτὰ μυριάδεσ ἦσαν ἤδη στρατοῦ, καὶ ὅπλα ἐχάλκευε καὶ παρασκευὴν συνέλεγεν, οἱ δ’ ἐν ἄστει τοὺσ ὑπάτουσ ἐξέπεμπον μετὰ δύο τελῶν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기