헬라어 문장 검색 - Αππιαν́ΤηεΞιϝί1́12́

(아피아노스, The Civil Wars, book 1, chapter 11)

Καὶ οἵδε μὲν οὕτωσ ἐγκρατῶσ ἀπέθανον· ἐπὶ δὲ τοὺσ τῆσ πόλεωσ ἐκφυγόντασ ζητηταὶ πάντα μαστεύοντεσ διέθεον καὶ ὅσουσ αὐτῶν λάβοιεν ἀνῄρουν. ἠνυσμένων δὲ τῶν ἀμφὶ τὴν Ἰταλίαν πολέμοισ καὶ πυρὶ καὶ φόνῳ πολλῷ, οἱ μὲν τοῦ Σύλλα στρατηγοὶ τὰσ πόλεισ ἐπιόντεσ τὰ ὕποπτα ἐφρούρουν, καὶ Πομπήιοσ ἔσ τε Λιβύην ἐπὶ Κάρβωνα καὶ ἐσ Σικελίαν ἐπὶ τοὺσ ἐκεῖ Κάρβωνοσ φίλουσ ἐστέλλετο· αὐτὸσ δὲ ὁ Σύλλασ Ῥωμαίουσ ἐσ ἐκκλησίαν συναγαγὼν πολλὰ ἐμεγαληγόρησεν ἐφ’ ἑαυτῷ καὶ φοβερὰ ἐσ κατάπληξιν εἶπεν ἕτερα καὶ ἐπήνεγκεν, ὅτι τὸν μὲν δῆμον ἐσ χρηστὴν ἄξει μεταβολήν, εἰ πείθοιντό οἱ, τῶν δ’ ἐχθρῶν οὐδενὸσ ἐσ ἔσχατον κακοῦ φείσεται, ἀλλὰ καὶ τοὺσ στρατηγοὺσ ἢ ταμίασ ἢ χιλιάρχουσ ἢ ὅσοι τι συνέπραξαν ἄλλοι τοῖσ πολεμίοισ, μεθ’ ἣν ἡμέραν Σκιπίων ὁ ὕπατοσ οὐκ ἐνέμεινε τοῖσ πρὸσ αὐτὸν ὡμολογημένοισ, μετελεύσεσθαι κατὰ κράτοσ. ταῦτα δ’ εἰπὼν αὐτίκα βουλευτὰσ ἐσ τεσσαράκοντα καὶ τῶν καλουμένων ἱππέων ἀμφὶ χιλίουσ καὶ ἑξακοσίουσ ἐπὶ θανάτῳ προύγραφεν. οὗτοσ γὰρ δοκεῖ πρῶτοσ, οὓσ ἐκόλασε θανάτῳ, προγράψαι καὶ γέρα τοῖσ ἀναιροῦσι καὶ μήνυτρα τοῖσ ἐλέγχουσι καὶ κολάσεισ τοῖσ κρύπτουσιν ἐπιγράψαι. μετ’ οὐ πολὺ δὲ βουλευτὰσ ἄλλουσ αὐτοῖσ προσετίθει. καὶ τῶνδε οἱ μὲν ἀδοκήτωσ καταλαμβανόμενοι διεφθείροντο, ἔνθα συνελαμβάνοντο, ἐν οἰκίαισ ἢ στενωποῖσ ἢ ἱεροῖσ, οἱ δὲ μετέωροι πρὸσ τὸν Σύλλαν φερόμενοί τε καὶ πρὸ ποδῶν αὐτοῦ ῥιπτούμενοι· οἱ δὲ καὶ ἐσύροντο καὶ κατεπατοῦντο, οὐδὲ φωνὴν ἔτι τῶν θεωμένων οὐδενὸσ ἐπὶ τοσοῖσδε κακοῖσ ἔχοντοσ ὑπ’ ἐκπλήξεωσ. ἐξέλασίσ τε ἑτέρων ἦν καὶ δήμευσισ τῶν ἑτέροισ ὄντων. Πολλὴ δὲ καὶ τῶν Ἰταλιωτῶν ἀναίρεσίσ τε καὶ ἐξέλασισ καὶ δήμευσισ ἦν, ὅσοι τι Κάρβωνοσ ἢ Νωρβανοῦ ἢ Μαρίου ἢ τῶν ὑπ’ ἐκείνοισ στρατηγούντων ὑπήκουσαν.

καὶ τοὺσ μὲν ἄλλουσ τοῖσ ἄγουσιν ἐκέλευσεν οὐδ’ ἐσ ὄψιν οἱ προσαχθέντασ ἀνελεῖν, Κάρβωνα δὲ παραστησάμενοσ αὑτοῦ τοῖσ ποσὶ δεσμώτην τρὶσ ὕπατον ἐπεδημηγόρησε καὶ κατέκανε καὶ τὴν κεφαλὴν ἐσ Σύλλαν ἔπεμψεν. κρίσεισ τε ἦσαν ἐπὶ τούτοισ ἀνὰ τὴν Ἰταλίαν ὅλην πικραὶ καὶ ἐγκλήματα ποικίλα, στρατηγίασ ἢ στρατείασ ἢ ἐσφορᾶσ χρημάτων ἢ ἄλλησ ὑπηρεσίασ ἢ βουλεύσεωσ ὅλωσ κατὰ Σύλλα. ἐγκλήματα δ’ ἦν καὶ ξενία καὶ φιλία καὶ δάνεισμα, λαβόντοσ ἢ δόντοσ, ἤδη δέ τισ καὶ προθυμίασ ἢ μόνησ συνοδίασ ἡλίσκετο. καὶ ταῦτ’ ἤκμαζε μάλιστα κατὰ τῶν πλουσίων. ὡσ δ’ ἐξέλιπε τὰ καθ’ ἕνα ἄνδρα ἐγκλήματα, ἐπὶ τὰσ πόλεισ ὁ Σύλλασ μετῄει καὶ ἐκόλαζε καὶ τάσδε, τῶν μὲν ἀκροπόλεισ κατασκάπτων ἢ τείχη καθαιρῶν ἢ κοινὰσ ζημίασ ἐπιτιθεὶσ ἢ εἰσφοραῖσ ἐκτρύχων βαρυτάταισ· ταῖσ δὲ πλείοσι τοὺσ ἑαυτῷ στρατευσαμένουσ ἐπῴκιζεν ὡσ ἕξων φρούρια κατὰ τῆσ Ἰταλίασ τήν τε γῆν αὐτῶν καὶ τὰ οἰκήματα ἐσ τούσδε μεταφέρων διεμέριζεν· ὃ καὶ μάλιστ’ αὐτοὺσ εὔνουσ αὐτῷ καὶ τελευτήσαντι ἐποίησεν· ὡσ γὰρ οὐχ ἕξοντεσ αὐτὰ βεβαίωσ, εἰ μὴ πάντ’ εἰή τὰ Σύλλα βέβαια, ὑπερηγωνίζοντο αὐτοῦ και μεταστάντοσ. Καὶ τάδε μὲν ἦν ἀμφὶ τὴν Ἰταλίαν, Κάρβωνα δ’ ἐκ Λιβύησ ἐσ Σικελίαν μετὰ πολλῶν ἐπιφανῶν καὶ ἀπ’ αὐτῆσ ἐσ Κοσσύραν νῆσον ὑποφεύγοντα πέμψασ τινὰσ ὁ Πομπήιοσ συνέλαβε. Ὁ δ’, ἐπεί οἱ πάντα, ὡσ ἐβούλετο, ἐπὶ τοῖσ ἐχθροῖσ διῴκητο καὶ πολέμιον οὐδὲν ἦν ἔτι πλὴν Σερτωρίου μακρὰν ὄντοσ, Μέτελλον μὲν ἐπὶ τοῦτον ἐξέπεμπεν ἐσ Ἰβηρίαν, τὰ δ’ ἐν τῇ πόλει καθίστατο ἅπαντα ἐφ’ ἑαυτοῦ, καθ’ ὃν ἐβούλετο τρόπον.

νόμου γὰρ ἢ χειροτονίασ ἢ κλήρου λόγοσ οὐκ ἦν ἔτι, πεφρικότων ὑπὸ δέουσ πάντων καὶ κρυπτομένων ἢ σιωπώντων· οἳ καὶ πάντα, ὅσα διῴκησεν ὁ Σύλλασ ὑπατεύων τε καὶ ἀνθυπατεύων, βέβαια καὶ ἀνεύθυνα ἐψηφίζοντο εἶναι εἰκόνα τε αὐτοῦ ἐπίχρυσον ἐπὶ ἵππου πρὸ τῶν ἐμβόλων ἀνέθεσαν καὶ ὑπέγραψαν "Κορνηλίου Σύλλα ἡγεμόνοσ Εὐτυχοῦσ. " ὧδε γὰρ αὐτὸν οἱ κόλακεσ, διευτυχοῦντα ἐπὶ τοῖσ ἐχθροῖσ, ὠνόμαζον· καὶ προῆλθεν ἐσ βέβαιον ὄνομα ἡ κολακεία. ἤδη δέ που γραφῇ περιέτυχον ἡγουμένῃ τὸν Σύλλαν Ἐπαφρόδιτον ἐν τῷδε τῷ ψηφίσματι ἀναγραφῆναι, καὶ οὐκ ἀπεικὸσ ἐφαίνετό μοι καὶ τόδε, ἐπεὶ καὶ Φαῦστοσ ἐπωνομάζετο· δύναται δὲ τοῦ αἰσίου καὶ ἐπαφροδίτου ἀγχοτάτω μάλιστα εἶναι τὸ ὄνομα. ἔστι δ’ ὅπου καὶ χρησμὸσ αὐτῷ δοθεὶσ ἐβεβαίου τάδε σκεπτομένῳ τὰ μέλλοντα. πείθεὸ μοι, Ῥωμαῖε. κράτοσ μέγα Κύπρισ ἔδωκεν Αἰνείου γενεῇ μεμελημένη. ἀλλὰ σὺ πᾶσιν ἀθανάτοισ ἐπέτεια τίθει. μὴ λήθεο τῶνδε· Δελφοῖσ δῶρα κόμιζε. καὶ ἔστι τισ ἀμβαίνουσι Ταύρου ὑπὸ νιφόεντοσ, ὅπου περιμήκετον ἄστυ Καρῶν, οἳ ναίουσιν ἐπώνυμον ἐξ Ἀφροδίτησ· ᾗ πέλεκυν θέμενοσ λήψῃ κράτοσ ἀμφιλαφέσ σοι. ὁπότερα δ’ αὐτῶν ἐψηφίσαντο Ῥωμαῖοι τὴν εἰκόνα τιθέντεσ, δοκοῦσί μοι παρασκώπτοντεσ ἢ ἐκμειλισσόμενοι τὸν ἄνδρα ἐπιγράψαι. ἔπεμψε δὲ καὶ στέφανον χρύσεον καὶ πέλεκυν, ἐπιγράψασ τάδε· τόνδε σοι αὐτοκράτωρ Σύλλασ ἀνέθηκ’, Ἀφροδίτη, ᾧ σ’ εἶδον κατ’ ὄνειρον ἀνὰ στρατιὴν διέπουσαν τεύχεσι τοῖσ Ἄρεοσ μαρναμένην ἔνοπλον. Ὁ δὲ ἔργῳ βασιλεὺσ ὢν ἢ τύραννοσ, οὐχ αἱρετόσ, ἀλλὰ δυνάμει καὶ βίᾳ, δεόμενοσ δ’ ἄρα καὶ τοῦ προσποιήματοσ αἱρετὸσ εἶναι δοκεῖν, ὧδε καὶ τόδε ἐμηχανήσατο.

Ῥωμαίοισ πάλαι κατ’ ἀρετὴν ἦσαν οἱ βασιλέεσ· καὶ ὁπότε τισ αὐτῶν ἀποθάνοι, βουλευτὴσ ἕτεροσ παρ’ ἕτερον ἐπὶ πέντε ἡμέρασ ἦρχεν, ἑώσ τινὰ ἄλλον ὁ δῆμοσ δοκιμάσειε βασιλεύειν. καὶ τόνδε τὸν πενθήμερον ἄρχοντα ἰντέρρηγα ἐκάλουν· εἰή δ’ ἂν ἐν τοσῷδε βασιλεύσ. ἀρχαιρέσια δ’ ὑπάτων οἱ λήγοντεσ τῆσ ἀρχῆσ ἀεὶ προυτίθεσαν· καὶ εἴ ποτε κατὰ συντυχίαν ὕπατοσ οὐκ εἰή, ὅδε ὁ ἐν τοσῷδε βασιλεὺσ καὶ τότε ἐγίγνετο ἐσ τὴν τῶν ὑπάτων χειροτονίαν. τούτου δὴ τοῦ ἔθουσ ἐπιβαίνων ὁ Σύλλασ, ὑπάτων οὐκ ὄντων, ἐπεὶ καὶ Κάρβων ἐν Σικελίᾳ καὶ Μάριοσ κατὰ Πραινεστὸν ἐτεθνήκεσαν, αὐτὸσ μέν που τῆσ πόλεωσ ὑπεξῆλθε, τῇ δὲ βουλῇ προσέταξεν ἑλέσθαι τὸν καλούμενον μεταξὺ βασιλέα. Ἡ μὲν δὴ Οὐαλέριον Φλάκκον εἵλετο, ἐλπίσασα ὑπάτων προτεθήσεσθαι χειροτονίαν· ὁ δὲ Σύλλασ ἐπέστελλε τῷ Φλάκκῳ γνώμην ἐσ τὸν δῆμον ἐσενεγκεῖν, ὅτι χρήσιμον ἡγοῖτο Σύλλασ ἐν τῷ παρόντι ἔσεσθαι τῇ πόλει τὴν ἀρχήν, οὓσ ἐκάλουν δικτάτορασ, παυσάμενον ἔθοσ ἐκ τετρακοσίων ἐτῶν· ὃν δὲ ἕλοιντο, ἐκέλευεν ἄρχειν οὐκ ἐσ χρόνον ῥητόν, ἀλλὰ μέχρι τὴν πόλιν καὶ τὴν Ἰταλίαν καὶ τὴν ἀρχὴν ὅλην στάσεσι καὶ πολέμοισ σεσαλευμένην στηρίσειεν. ὁ μὲν δὴ νοῦσ τὴν γνώμην ἐσ αὐτὸν ἔφερε τὸν Σύλλαν, καὶ οὐδ’ ἀμφίβολον ἦν· ὁ δὲ Σύλλασ οὐ κατασχὼν αὑτοῦ καὶ τοῦτ’ ἐν τέλει τῆσ ἐπιστολῆσ ἀνεκάλυπτεν, ὅτι οἱ δοκοίη μάλιστ’ ἂν αὐτὸσ τῇ πόλει καὶ ἐν τῷδε γενέσθαι χρήσιμοσ. Ὁ μὲν δὴ τάδε ἐπέστελλε, Ῥωμαῖοι δ’ οὐχ ἑκόντεσ μὲν οὐδὲ κατὰ νόμον ἔτι χειροτονοῦντεσ οὐδὲν οὐδ’ ἐπὶ σφίσιν ἡγούμενοι τὸ ἔργον ὅλωσ, ἐν δὲ τῇ πάντων ἀπορίᾳ τὴν ὑπόκρισιν τῆσ χειροτονίασ ὡσ ἐλευθερίασ εἰκόνα καὶ πρόσχημα ἀσπασάμενοι χειροτονοῦσι τὸν Σύλλαν, ἐσ ὅσον θέλοι, τύραννον αὐτοκράτορα.

τυραννὶσ μὲν γὰρ ἡ τῶν δικτατόρων ἀρχὴ καὶ πάλαι, ὀλίγῳ χρόνῳ δ’ ὁριζομένη· τότε δὲ πρῶτον ἐσ ἀόριστον ἐλθοῦσα τυραννὶσ ἐγίγνετο ἐντελήσ. τοσόνδε μέντοι προσέθεσαν εἰσ εὐπρέπειαν τοῦ ῥήματοσ, ὅτι αὐτὸν αἱροῖντο δικτάτορα ἐπὶ θέσει νόμων, ὧν αὐτὸσ ἐφ’ ἑαυτοῦ δοκιμάσειε, καὶ καταστάσει τῆσ πολιτείασ. οὕτω μὲν δὴ Ῥωμαῖοι βασιλεῦσιν ὑπὲρ τὰσ ἑξήκοντα ὀλυμπιάδασ χρησάμενοι, ἐπὶ δ’ ἐκείνοισ δημοκρατίᾳ τε καὶ ὑπάτοισ ἐτησίοισ προστάταισ ἐσ ἄλλασ ἑκατὸν ὀλυμπιάδασ, αὖθισ ἐπειρῶντο βασιλείασ, ὀλυμπιάδων οὐσῶν ἐν Ἕλλησιν ἑκατὸν ἐβδομήκοντα πέντε καὶ οὐδενὸσ ἐν Ὀλυμπίᾳ τότε ἀγωνίσματοσ πλὴν σταδίου δρόμου γιγνομένου· τοὺσ γὰρ ἀθλητὰσ καὶ τὰ ἄλλα θεάματα πάντα ὁ Σύλλασ ἐσ Ῥώμην μετεκέκλητο ἐπὶ δόξῃ τῶν Μιθριδατείων ἔργων ἢ τῶν Ἰταλικῶν. πρόφασισ δ’ ἦν ἀναπνεῦσαι καὶ ψυχαγωγῆσαι τὸ πλῆθοσ ἐκ καμάτων. Ὁ δ’ ἐσ μὲν πρόσχημα τῆσ πατρίου πολιτείασ ὑπάτουσ αὐτοῖσ ἐπέτρεψεν ἀποφῆναι, καὶ ἐγένοντο Μᾶρκοσ Τύλλιοσ καὶ Κορνήλιοσ Δολοβέλλασ·

αὐτὸσ δ’ οἱᾶ δὴ βασιλεύων δικτάτωρ ἐπὶ τοῖσ ὑπάτοισ ἦν· πελέκεισ τε γὰρ ἐφέροντο πρὸ αὐτοῦ, οἱᾶ δικτάτοροσ, εἴκοσι καὶ τέσσαρεσ, ὅσοι καὶ τῶν πάλαι βασιλέων ἡγοῦντο, καὶ φυλακὴν τοῦ σώματοσ περιέθετο πολλήν. νόμουσ τε ἐξέλυε καὶ ἑτέρουσ ἐτίθετο· καὶ στρατηγεῖν ἀπεῖπε, πρὶν ταμιεῦσαι, καὶ ὑπατεύειν, πρὶν στρατηγῆσαι, καὶ τὴν ἀρχὴν τὴν αὐτὴν αὖθισ ἄρχειν ἐκώλυσε, πρὶν ἔτη δέκα διαγενέσθαι. τὴν δὲ τῶν δημάρχων ἀρχὴν ἴσα καὶ ἀνεῖλεν, ἀσθενεστάτην ἀποφήνασ καὶ νόμῳ κωλύσασ μηδεμίαν ἄλλην τὸν δήμαρχον ἀρχὴν ἔτι ἄρχειν· διὸ καὶ πάντεσ οἱ δόξησ ἢ γένουσ ἀντιποιούμενοι τὴν ἀρχὴν ἐσ τὸ μέλλον ἐξετρέποντο. καὶ οὐκ ἔχω σαφῶσ εἰπεῖν, εἰ Σύλλασ αὐτήν, καθὰ νῦν ἐστιν, εἰσ τὴν βουλὴν ἀπὸ τοῦ δήμου μετήνεγκεν. αὐτῇ δὲ τῇ βουλῇ διὰ τὰσ στάσεισ καὶ τοὺσ πολέμουσ πάμπαν ὀλιγανδρούσῃ προσκατέλεξεν ἀμφὶ τοὺσ τριακοσίουσ ἐκ τῶν ἀρίστων ἱππέων, ταῖσ φυλαῖσ ἀναδοὺσ ψῆφον περὶ ἑκάστου. τῷ δὲ δήμῳ τοὺσ δούλουσ τῶν ἀνῃρημένων τοὺσ νεωτάτουσ τε καὶ εὐρώστουσ, μυρίων πλείουσ, ἐλευθερώσασ ἐγκατέλεξε καὶ πολίτασ ἀπέφηνε Ῥωμαίων καὶ Κορνηλίουσ ἀφ’ ἑαυτοῦ προσεῖπεν, ὅπωσ ἑτοίμοισ ἐκ τῶν δημοτῶν πρὸσ τὰ παραγγελλόμενα μυρίοισ χρῷτο. τὸ δ’ αὐτὸ καὶ περὶ τὴν Ἰταλίαν ἐπινοῶν τέλεσι τοῖσ ὑπὲρ ἑαυτοῦ στρατευσαμένοισ τρισὶ καὶ εἴκοσιν ἐπένειμεν, ὥσ μοι προείρηται, πολλὴν ἐν ταῖσ πόλεσι γῆν, τὴν μὲν ἔτι οὖσαν ἀνέμητον, τὴν δὲ τὰσ πόλεισ ἀφαιρούμενοσ ἐπὶ ζημίᾳ. Ἐσ ἅπαντα δ’ ἦν οὕτω φοβερὸσ καὶ ἄκροσ ὀργήν, ὡσ καὶ Κόιντον Λουκρήτιον Ὀφέλλαν τὸν Πραινεστὸν αὐτῷ λαβόντα καὶ Μάριον τὸν ὕπατον ἐκπεπολιορκηκότα καὶ τὸ τέλοσ αὐτῷ τῆσ νίκησ συναγαγόντα, ὑπατεύειν ἔτι ἱππέα ὄντα, πρὶν ταμιεῦσαι καὶ στρατηγῆσαι, διὰ τὸ μέγεθοσ τῶν εἰργασμένων κατὰ παλαιὸν ἔθοσ ἀξιοῦντα καὶ τῶν πολιτῶν δεόμενον, ἐπεὶ κωλύων καὶ ἀνατιθέμενοσ οὐ μετέπειθεν, ἐν ἀγορᾷ μέσῃ κτεῖναι.

καὶ συναγαγὼν τὸ πλῆθοσ ἐσ ἐκκλησίαν εἶπεν· "ἴστε μέν, ὦ ἄνδρεσ, καὶ παρ’ ἐμοῦ δὲ ἀκούσατε, ὅτι Λουκρήτιον ἐγὼ κατέκανον ἀπειθοῦντά μοι. " καὶ λόγον εἶπε· "φθεῖρεσ γεωργὸν ἀροτριῶντα ὑπέδακνον· ὁ δὲ δὶσ μέν," ἔφη, "τὸ ἄροτρον μεθεὶσ τὸν χιτωνίσκον ἐκάθηρεν· ὡσ δ’ αὖθισ ἐδάκνετο, ἵνα μὴ πολλάκισ ἀργοίη, τὸν χιτωνίσκον ἔκαυσεν. κἀγὼ τοῖσ δὶσ ἡττημένοισ παραινῶ τρίτου πυρὸσ μὴ δεηθῆναι. " Σύλλασ μὲν δὴ καὶ τοῖσδε καταπληξάμενοσ αὐτούσ, καθὰ ἐβούλετο, ἦρχε. καὶ ἐθριάμβευσεν ἐπὶ τῷ Μιθριδατείῳ πολέμῳ. καί τινεσ αὐτοῦ τῆν ἀρχὴν ἀρνουμένην βασιλείαν ἐπισκώπτοντεσ ἐκάλουν, ὅτι τὸ τοῦ βασιλέωσ ὄνομα μόνον ἐπικρύπτοι· οἱ δ’ ἐπὶ τοὐναντίον ἀπὸ τῶν ἔργων μετέφερον καὶ τυραννίδα ὁμολογοῦσαν ἔλεγον. Ἐσ τοσοῦτον αὐτοῖσ τε Ῥωμαίοισ καὶ Ἰταλοῖσ ἅπασιν ὁ πόλεμοσ ὅδε προύβη κακοῦ, προύβη δὲ καὶ τοῖσ ὑπὲρ τὴν Ἰταλίαν ἔθνεσιν ἅπασιν, ἄρτι μὲν ὑπὸ λῃστῶν καὶ Μιθριδάτου καὶ Σύλλα πεπολεμημένοισ, ἄρτι δ’ ἀποροῦντοσ τοῦ ταμείου διὰ τὰσ στάσεισ ἐκτετρυχωμένοισ εἰσφοραῖσ πολλαῖσ.

ἔθνη τε γὰρ πάντα καὶ βασιλέεσ, ὅσοι σύμμαχοι, καὶ πόλεισ, οὐχ ὅσαι μόνον ὑποτελεῖσ, ἀλλὰ καὶ ὅσαι ἑαυτὰσ ἐγκεχειρίκεσαν ἐπὶ συνθήκαισ ἔνορκοι καὶ ὅσαι διὰ συμμαχίαν ἤ τινα ἀρετὴν ἄλλην αὐτόνομοί τε καὶ φόρων ἦσαν ἀτελεῖσ, τότε πᾶσαι συντελεῖν ἐκελεύοντο καὶ ὑπακούειν, χώρασ τε ἔνιαι καὶ λιμένων κατὰ συνθήκασ σφίσι δεδομένων ἀφῃροῦντο. Σύλλασ δὲ καὶ Ἀλέξανδρον τὸν Ἀλεξάνδρου τοῦ ἐν Αἰγύπτῳ βασιλεύσαντοσ υἱόν, ἀνατραφέντα μὲν ἐν Κῷ καὶ ὑπὸ Κῴων ἐκδοθέντα Μιθριδάτῃ, διαφυγόντα δὲ πρὸσ Σύλλαν ἐκ Μιθριδάτου καὶ συνήθη γενόμενον, ἐψηφίσατο βασιλεύειν Ἀλεξανδρέων, ἐρήμου τῆσ Ἀλεξανδρέων ἀρχῆσ ἀνδρὸσ οὔσησ καὶ τῶν γυναικῶν, ὅσαι βασιλείου γένουσ, ἀνδρὸσ συγγενοῦσ δεομένων, ἐλπίσασ χρηματιεῖσθαι πολλὰ ἐκ βασιλείασ πολυχρύσου. ἀλλὰ τόνδε μὲν οἱ Ἀλεξανδρεῖσ ἐννεακαιδεκάτην ἡμέραν ἔχοντα τῆσ ἀρχῆσ καὶ ἀτοπώτερον σφῶν, οἱᾶ Σύλλᾳ πεποιθότα, ἐξηγούμενον, ἐσ τὸ γυμνάσιον ἐκ τοῦ βασιλείου προαγαγόντεσ ἔκτειναν. οὕτωσ ἔτι καὶ οἵδε διά τε μέγεθοσ ἀρχῆσ ἰδίασ καὶ τῶν ἔξωθεν κακῶν ἔτι ὄντεσ ἀπαθεῖσ ἀφόβωσ εἶχον ἑτέρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Appian, The Civil Wars, book 1, chapter 11

(아피아노스, The Civil Wars, book 1, chapter 11)

상위

목록

SEARCH

MENU NAVIGATION