Appian, The Civil Wars, book 1, chapter 10 5:

(아피아노스, The Civil Wars, book 1, chapter 10 5:)

Σύλλασ δ’ ὡσ ἔμαθεν, αὐτίκα ἐπελθὼν τὴν μὲν στρατιὰν ἵδρυσε πρὸ τῶν πυλῶν ἐν τῷ Ἀρείῳ πεδίῳ, αὐτὸσ δ’ εἴσω παρῆλθεν, ἐκφυγόντων τῶν ἀντιστασιωτῶν ἁπάντων. καὶ τὰ μὲν τούτων αὐτίκα ἐδημεύετο καὶ διεπιπράσκετο, τὸν δὲ δῆμον ἐσ ἐκκλησίαν συναγαγὼν τήν τε ἀνάγκην τῶν παρόντων ὠλοφύρετο καὶ θαρρεῖν προσέταξεν ὡσ αὐτίκα τῶνδε παυσομένων καὶ τῆσ πολιτείασ ἐσ τὸ δέον ἐλευσομένησ. διοικησάμενοσ δ’ ὅσα ἤπειγε καὶ τῇ πόλει τινὰσ ἐπιστήσασ τῶν ἑαυτοῦ ἐξώρμησεν ἐσ Κλούσιον, ἔνθα τοῦ πολέμου τὰ λοιπὰ ἤκμαζεν. ἐν δὲ τούτῳ τοῖσ ὑπάτοισ προσεγένοντο ἱππεῖσ Κελτίβηρεσ, ὑπὸ τῶν ἐν Ἰβηρίᾳ στρατηγῶν ἀπεσταλμένοι, καὶ γενομένησ παρὰ τὸν Γλάνιν ποταμὸν ἱππομαχίασ ὁ μὲν Σύλλασ ἔκτεινεν ἐσ πεντήκοντα τῶν πολεμίων, διακόσιοι δὲ καὶ ἑβδομήκοντα τῶνδε τῶν Κελτιβήρων ηὐτομόλησαν ἐσ Σύλλαν· καὶ τοὺσ λοιποὺσ ὁ Κάρβων ἀνεῖλεν, εἴτε χαλεπήνασ τῆσ τῶν ὁμοεθνῶν αὐτομολίασ εἴτε δείσασ περὶ ὁμοίου. τοῦ δ’ αὐτοῦ χρόνου περὶ Σατουρνίαν ἑτέρῳ μέρει τοὺσ ἐχθροὺσ ὁ Σύλλασ ἐνίκα, καὶ Μέτελλοσ ἐπὶ Ῥάβενναν περιπλέων τὴν Οὐριτανὴν χώραν, πεδιάδα καὶ πυροφόρον οὖσαν, προκατελάμβανεν. ἔσ τε Νέαν πόλιν ἐκ προδοσίασ νυκτὸσ ἕτεροι τῶν Συλλείων ἐσελθόντεσ ἔκτειναν ἅπαντασ χωρὶσ ὀλίγων διαφυγόντων καὶ τὰσ τριήρεισ τῆσ πόλεωσ ἔλαβον. αὐτῷ δὲ Σύλλᾳ καὶ Κάρβωνι περὶ Κλούσιον ἐξ ἠοῦσ ἐπὶ ἑσπέραν γίγνεται μάχη καρτερά· καὶ φανέντεσ ἀλλήλοισ ἰσόμαχοι μετὰ σκότουσ διεκρίθησαν.

일치하는 문장이 없습니다.

SEARCH

MENU NAVIGATION