호흡부호 보기
강세부호 보기
장단부호 보기
작은 Iota 보기
모든 부호 보기
τούτου δὲ γενομένου τροπὴ τῶν Ἀργείων γίνεται. ὡσ δὲ ἀπώλλυντο πολλοί, δόξαν ἑκατέροισ τοῖσ στρατεύμασιν Ἐτεοκλῆσ καὶ Πολυνείκησ περὶ τῆσ βασιλείασ μονομαχοῦσι, καὶ κτείνουσιν ἀλλήλουσ. καρτερᾶσ δὲ πάλιν γενομένησ μάχησ οἱ Ἀστακοῦ παῖδεσ ἠρίστευσαν· Ἴσμαροσ μὲν γὰρ Ἱππομέδοντα ἀπέκτεινε, Λεάδησ δὲ Ἐτέοκλον, Ἀμφίδικοσ δὲ Παρθενοπαῖον. ὡσ δὲ Εὐριπίδησ φησί, Παρθενοπαῖον ὁ Ποσειδῶνοσ παῖσ Περικλύμενοσ ἀπέκτεινε. Μελάνιπποσ δὲ ὁ λοιπὸσ τῶν Ἀστακοῦ παίδων εἰσ τὴν γαστέρα Τυδέα τιτρώσκει. ἡμιθνῆτοσ δὲ αὐτοῦ κειμένου παρὰ Διὸσ αἰτησαμένη Ἀθηνᾶ φάρμακον ἤνεγκε, δι’ οὗ ποιεῖν ἔμελλεν ἀθάνατον αὐτόν. Ἀμφιάραοσ δὲ αἰσθόμενοσ τοῦτο, μισῶν Τυδέα ὅτι παρὰ τὴν ἐκείνου γνώμην εἰσ Θήβασ ἔπεισε τοὺσ Ἀργείουσ στρατεύεσθαι, τὴν Μελανίππου κεφαλὴν ἀποτεμὼν ἔδωκεν αὐτῷ τιτρωσκόμενοσ δὲ Τυδεὺσ ἔκτεινεν αὐτόν. ὁ δὲ διελὼν τὸν ἐγκέφαλον ἐξερρόφησεν. ὡσ δὲ εἶδεν Ἀθηνᾶ, μυσαχθεῖσα τὴν εὐεργεσίαν ἐπέσχε τε καὶ ἐφθόνησεν. Ἀμφιαράῳ δὲ φεύγοντι παρὰ ποταμὸν Ἰσμηνόν, πρὶν ὑπὸ Περικλυμένου τὰ νῶτα τρωθῇ, Ζεὺσ κεραυνὸν βαλὼν τὴν γῆν διέστησεν. ὁ δὲ σὺν τῷ ἁρ́ματι καὶ τῷ ἡνιόχῳ Βάτωνι, ὡσ δὲ ἔνιοι Ἐλάτωνι, ἐκρύφθη, καὶ Ζεὺσ ἀθάνατον αὐτὸν ἐποίησεν. Ἄδραστον δὲ μόνον ἵπποσ διέσωσεν Ἀρείων· τοῦτον ἐκ Ποσειδῶνοσ ἐγέννησε Δημήτηρ εἰκασθεῖσα ἐρινύι κατὰ τὴν συνουσίαν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기