헬라어 문장 검색 - Ανονψμ́Ηομεριξ́07́

(익명 저작, Homeric Hymns, Εἲσ Διώνυσον)

ἀμφὶ Διώνυσον, Σεμέλησ ἐρικυδέοσ υἱόν, μνήσομαι, ὡσ ἐφάνη παρὰ θῖν’ ἁλὸσ ἀτρυγέτοιο ἀκτῇ ἔπι προβλῆτι νεηνίῃ ἀνδρὶ ἐοικώσ, πρωθήβῃ· κυβερνήτησ δὲ νοήσασ αὐτίκα οἷσ ἑτάροισιν ἐκέκλετο φώνησέν τε· καλαὶ δὲ περισσείοντο ἔθειραι, κυάνεαι, φᾶροσ δὲ περὶ στιβαροῖσ ἔχεν ὤμοισ πορφύρεον· τάχα δ’ ἄνδρεσ ἐυσσέλμου ἀπὸ νηὸσ ληισταὶ προγένοντο θοῶσ ἐπὶ οἴνοπα πόντον, Τυρσηνοί· τοὺσ δ’ ἦγε κακὸσ μόροσ· οἳ δὲ ἰδόντεσ νεῦσαν ἐσ ἀλλήλουσ, τάχα δ’ ἔκθορον. αἶψα δ’ ἑλόντεσ εἷσαν ἐπὶ σφετέρησ νηὸσ κεχαρημένοι ἦτορ. υἱὸν γάρ μιν ἔφαντο διοτρεφέων βασιλήων εἶναι καὶ δεσμοῖσ ἔθελον δεῖν ἀργαλέοισι. τὸν δ’ οὐκ ἴσχανε δεσμά, λύγοι δ’ ἀπὸ τηλόσε πῖπτον χειρῶν ἠδὲ ποδῶν· ὃ δὲ μειδιάων ἐκάθητο ὄμμασι κυανέοισι· δαιμόνιοι, τίνα τόνδε θεὸν δεσμεύεθ’ ἑλόντεσ, καρτερόν;

οὐδὲ φέρειν δύναταί μιν νηῦσ εὐεργήσ. ἢ γὰρ Ζεὺσ ὅδε γ’ ἐστὶν ἢ ἀργυρότοξοσ Ἀπόλλων ἠὲ Ποσειδάων· ἐπεὶ οὐ θνητοῖσι βροτοῖσιν εἴκελοσ, ἀλλὰ θεοῖσ, οἳ Ὀλύμπια δώματ’ ἔχουσιν. ἀλλ’ ἄγετ’, αὐτὸν ἀφῶμεν ἐπ’ ἠπείροιο μελαίνησ αὐτίκα· μηδ’ ἐπὶ χεῖρασ ἰάλλετε, μή τι χολωθεὶσ ὄρσῃ ἔπ’ ἀργαλέουσ τ’ ἀνέμουσ καὶ λαίλαπα πολλήν. Ὣσ φάτο· τὸν δ’ ἀρχὸσ στυγερῷ ἠνίπαπε μύθῳ· δαιμόνι’, οὖρον ὁρ́α, ἅμα δ’ ἱστίον ἕλκεο νηὸσ σύμπανθ’ ὅπλα λαβών· ὅδε δ’ αὖτ’ ἄνδρεσσι μελήσει. ἔλπομαι, ἢ Αἴγυπτον ἀφίξεται ἢ ὅ γε Κύπρον ἢ ἐσ Ὑπερβορέουσ ἢ ἑκαστέρω· ἐσ δὲ τελευτὴν ἔκ ποτ’ ἐρεῖ αὐτοῦ τε φίλουσ καὶ κτήματα πάντα οὕσ τε κασιγνήτουσ, ἐπεὶ ἡμῖν ἔμβαλε δαίμων. ὣσ εἰπὼν ἱστόν τε καὶ ἱστίον ἕλκετο νηόσ.

ἔμπνευσεν δ’ ἄνεμοσ μέσον ἱστίον· ἀμφὶ δ’ ἄρ’ ὅπλα καττάνυσαν· τάχα δέ σφιν ἐφαίνετο θαυματὰ ἔργα. οἶνοσ μὲν πρώτιστα θοὴν ἀνὰ νῆα μέλαιναν ἡδύποτοσ κελάρυζ’ εὐώδησ, ὤρνυτο δ’ ὀδμὴ ἀμβροσίη· ναύτασ δὲ τάφοσ λάβε πάντασ ἰδόντασ. αὐτίκα δ’ ἀκρότατον παρὰ ἱστίον ἐξετανύσθη ἄμπελοσ ἔνθα καὶ ἔνθα, κατεκρημνῶντο δὲ πολλοὶ βότρυεσ· ἀμφ’ ἱστὸν δὲ μέλασ εἱλίσσετο κισσόσ, ἄνθεσι τηλεθάων, χαρίεισ δ’ ἐπὶ καρπὸσ ὀρώρει· πάντεσ δὲ σκαλμοὶ στεφάνουσ ἔχον· οἳ δὲ ἰδόντεσ, νῆ’ ἤδη τότ’ ἔπειτα κυβερνήτην ἐκέλευον γῇ πελάαν· ὃ δ’ ἄρα σφι λέων γένετ’ ἔνδοθι νηὸσ δεινὸσ ἐπ’ ἀκροτάτησ, μέγα δ’ ἔβραχεν, ἐν δ’ ἄρα μέσσῃ ἄρκτον ἐποίησεν λασιαύχενα, σήματα φαίνων· ἂν δ’ ἔστη μεμαυῖα· λέων δ’ ἐπὶ σέλματοσ ἄκρου δεινὸν ὑπόδρα ἰδών· οἳ δ’ ἐσ πρύμνην ἐφόβηθεν, ἀμφὶ κυβερνήτην δὲ σαόφρονα θυμὸν ἔχοντα ἔσταν ἄρ’ ἐκπληγέντεσ· ὃ δ’ ἐξαπίνησ ἐπορούσασ ἀρχὸν ἕλ’, οἳ δὲ θύραζε κακὸν μόρον ἐξαλύοντεσ πάντεσ ὁμῶσ πήδησαν, ἐπεὶ ἴδον, εἰσ ἅλα δῖαν, δελφῖνεσ δ’ ἐγένοντο· κυβερνήτην δ’ ἐλεήσασ ἔσχεθε καί μιν ἔθηκε πανόλβιον εἶπέ τε μῦθον· θάρσει, δῖε κάτωρ, τῷ ἐμῷ κεχαρισμένε θυμῷ·

εἰμὶ δ’ ἐγὼ Διόνυσοσ ἐρίβρομοσ, ὃν τέκε μήτηρ Καδμηὶσ Σεμέλη Διὸσ ἐν φιλότητι μιγεῖσα. χαῖρε, τέκοσ Σεμέλησ εὐώπιδοσ·

οὐδέ πη ἔστι σεῖό γε ληθόμενον γλυκερὴν κοσμῆσαι ἀοιδήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Anonymous, Homeric Hymns, Εἲσ Διώνυσον

(익명 저작, Homeric Hymns, Εἲσ Διώνυσον)

상위

목록

SEARCH

MENU NAVIGATION