호흡부호 보기
강세부호 보기
장단부호 보기
작은 Iota 보기
모든 부호 보기
αὐτὰρ ἐπεί τοι πάντα κατὰ χρέοσ ἤνυσε δαίμων, σάνδαλα μὲν προέηκεν ἐσ Ἀλφειὸν βαθυδίνην· μητέρα δ’ οὐκ ἄρ’ ἔληθε θεὰν θεὸσ εἰπέ τε μῦθον· ἀνθρακιὴν δ’ ἐμάρανε, κόνιν δ’ ἀμάθυνε μέλαιναν παννύχιοσ· καλὸν δὲ φόωσ κατέλαμπε Σελήνησ. Κυλλήνησ δ’ αἶψ’ αὖτισ ἀφίκετο δῖα κάρηνα ὄρθριοσ, οὐδέ τί οἱ δολιχῆσ ὁδοῦ ἀντεβόλησεν οὔτε θεῶν μακάρων οὔτε θνητῶν ἀνθρώπων, οὐδὲ κύνεσ λελάκοντο· Διὸσ δ’ ἐριούνιοσ Ἑρμῆσ δοχμωθεὶσ μεγάροιο διὰ κλήιθρον ἔδυνεν αὔρῃ ὀπωρινῇ ἐναλίγκιοσ, ἠύτ’ ὀμίχλη. ἰθύσασ δ’ ἄντρου ἐξίκετο πίονα νηὸν ἦκα ποσὶ προβιβῶν· οὐ γὰρ κτύπεν, ὥσπερ ἐπ’ οὔδει. ἐσσυμένωσ δ’ ἄρα λίκνον ἐπῴχετο κύδιμοσ Ἑρμῆσ· σπάργανον ἀμφ’ ὤμοισ εἰλυμένοσ, ἠύτε τέκνον νήπιον, ἐν παλάμῃσι περ’ ἰγνύσι λαῖφοσ ἀθύρων κεῖτο, χέλυν ἐρατὴν ἐπ’ ἀριστερὰ χειρὸσ ἐέργων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기