호흡부호 보기
강세부호 보기
장단부호 보기
작은 Iota 보기
모든 부호 보기
ὣσ ἂρ’ ἔφη· ἀμφιπόλουσ τε γέραιρε καὶ ἀγλαὰ δώματα νύμφησ καὶ τρίποδασ κατὰ οἶκον ἐπηετανούσ τε λέβητασ. καὶ χερσὶν ἅμ’ ἀμφοτέρῃσιν ἀείρασ ἂψ εἴσω κίε δῶμα φέρων ἐρατεινὸν ἄθυρμα. ἔνθ’ ἀναπηρώσασ γλυφάνῳ πολιοῖο σιδήρου αἰῶν’ ἐξετόρησεν ὀρεσκῴοιο χελώνησ. ὡσ δ’ ὁπότ’ ὠκὺ νόημα διὰ στέρνοιο περήσῃ ἀνέροσ, ὅν τε θαμειαὶ ἐπιστρωφῶσι μέριμναι, ἢ ὅτε δινηθῶσιν ἀπ’ ὀφθαλμῶν ἀμαρυγαί, ὣσ ἅμ’ ἔποσ τε καὶ ἔργον ἐμήδετο κύδιμοσ Ἑρμῆσ. πῆξε δ’ ἄρ’ ἐν μέτροισι ταμὼν δόνακασ καλάμοιο πειρήνασ διὰ νῶτα διὰ ῥινοῖο χελώνησ. ἀμφὶ δὲ δέρμα τάνυσσε βοὸσ πραπίδεσσιν ἑῇσι καὶ πήχεισ ἐνέθηκ’, ἐπὶ δὲ ζυγὸν ἤραρεν ἀμφοῖν, ἑπτὰ δὲ θηλυτέρων ὀίων ἐτανύσσατο χορδάσ. αὐτὰρ ἐπεὶ δὴ τεῦξε, φέρων, ἐρατεινὸν ἄθυρμα, πλήκτρῳ ἐπειρήτιζε κατὰ μέροσ· ἣ δ’ ὑπὸ χειρὸσ σμερδαλέον κονάβησε· θεὸσ δ’ ὑπὸ καλὸν ἀείδεν ἐξ αὐτοσχεδίησ πειρώμενοσ, ἠύτε κοῦροι ἡβηταὶ θαλίῃσι παραιβόλα κερτομέουσιν, ἀμφὶ Δία Κρονίδην καὶ Μαιάδα καλλιπέδιλον, ὡσ πάροσ ὠρίζεσκον ἑταιρείῃ φιλότητι, ἥν τ’ αὐτοῦ γενεὴν ὀνομακλυτὸν ἐξονομάζων·
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기