Aeschylus, Seven Against Thebes, choral, antistrophe 2

(아이스킬로스, 테바이를 공격한 일곱 장수, choral, antistrophe 2)

πέποιθα <δὴ> τὸν Διὸσ ἀντίτυπον ἔχοντ’ ἄφιλον ἐν σάκει τοῦ χθονίου δέμασ δαίμονοσ, ἐχθρὸν εἴκασμα βροτοῖσ τε καὶ δαροβίοισι θεοῖσιν, πρόσθε πυλᾶν κεφαλὰν ἰάψειν. οὕτωσ γένοιτο. τὸν δὲ πέμπτον αὖ λέγω, πέμπταισι προσταχθέντα Βορραίαισ πύλαισ, τύμβον κατ’ αὐτὸν Διογενοῦσ Ἀμφίονοσ· ὄμνυσι δ’ αἰχμὴν ἣν ἔχει μᾶλλον θεοῦ σέβειν πεποιθὼσ ὀμμάτων θ’ ὑπέρτερον, ἦ μὴν λαπάξειν ἄστυ Καδμείων βίᾳ Διόσ· τόδ’ αὐδᾷ μητρὸσ ἐξ ὀρεσκόου βλάστημα καλλίπρῳρον, ἀνδρόπαισ ἀνήρ· στείχει δ’ ἰούλοσ ἄρτι διὰ παρηίδων, ὡρ́ασ φυούσησ, ταρφὺσ ἀντέλλουσα θρίξ. ὁ δ’ ὠμόν, οὔτι παρθένων ἐπώνυμον, φρόνημα, γοργὸν δ’ ὄμμ’ ἔχων, προσίσταται. οὐ μὴν ἀκόμπαστόσ γ’ ἐφίσταται πύλαισ· τὸ γὰρ πόλεωσ ὄνειδοσ ἐν χαλκηλάτῳ σάκει, κυκλωτῷ σώματοσ προβλήματι, Σφίγγ’ ὠμόσιτον προσμεμηχανημένην γόμφοισ ἐνώμα, λαμπρὸν ἔκκρουστον δέμασ, φέρει δ’ ὑφ’ αὑτῇ φῶτα Καδμείων ἕνα, ὡσ πλεῖστ’ ἐπ’ ἀνδρὶ τῷδ’ ἰάπτεσθαι βέλη. ἐλθὼν δ’ ἐοίκεν οὐ καπηλεύσειν μάχην, μακρᾶσ κελεύθου δ’ οὐ καταισχυνεῖν πόρον, Παρθενοπαῖοσ Ἀρκάσ· ὁ δὲ τοιόσδ’ ἀνὴρ μέτοικοσ, Ἄργει δ’ ἐκτίνων καλὰσ τροφάσ, πύργοισ ἀπειλεῖ τοῖσδ’ ἃ μὴ κραίνοι θεόσ. εἰ γὰρ τύχοιεν ὧν φρονοῦσι πρὸσ θεῶν, αὐτοῖσ ἐκείνοισ ἀνοσίοισ κομπάσμασιν· ἦ τἂν πανώλεισ παγκάκωσ τ’ ὀλοίατο. ἔστιν δὲ καὶ τῷδ’, ὃν λέγεισ τὸν Ἀρκάδα, ἀνὴρ ἄκομποσ, χεὶρ δ’ ὁρᾷ τὸ δράσιμον, Ἄκτωρ ἀδελφὸσ τοῦ πάροσ λελεγμένου· ὃσ οὐκ ἐάσει γλῶσσαν ἐργμάτων ἄτερ ἔσω πυλῶν ῥέουσαν ἀλδαίνειν κακά, οὐδ’ εἰσαμεῖψαι θηρὸσ ἐχθίστου δάκουσ εἰκὼ φέροντα πολεμίασ ἐπ’ ἀσπίδοσ· ἣ ’ξωθεν εἴσω τῷ φέροντι μέμψεται, πυκνοῦ κροτησμοῦ τυγχάνουσ’ ὑπὸ πτόλιν. θεῶν θελόντων τἂν ἀληθεύσαιμ’ ἐγώ.

상위

Seven Against Thebes (테바이를 공격한 일곱 장수)

목록

일치하는 문장이 없습니다.

SEARCH

MENU NAVIGATION