호흡부호 보기
강세부호 보기
장단부호 보기
작은 Iota 보기
모든 부호 보기
θρέομαι φοβερὰ μεγάλ’ ἄχη· μεθεῖται στρατόσ· στρατόπεδον λιπὼν ῥεῖ πολὺσ ὅδε λεὼσ πρόδρομοσ ἱππότασ· αἰθερία κόνισ με πείθει φανεῖσ’, ἄναυδοσ σαφὴσ ἔτυμοσ ἄγγελοσ. ἔτι δὲ <γᾶσ> ἐμᾶσ πεδί’ ὁπλόκτυπ’ ὠ‐ τὶ χρίμπτει βοάν· ποτᾶται, βρέμει δ’ ἀμαχέτου δίκαν ὕδατοσ ὀροτύπου. ἰὼ ἰὼ ἰὼ θεοὶ θεαί τ’ ὀρόμενον κακὸν βοᾷ τειχέων ὕπερ ἀλεύσατε. ὁ λεύκασπισ ὄρνυται λαὸσ εὐ‐ τρεπὴσ ἐπὶ πόλιν διώκων πόδα. τίσ ἄρα ῥύσεται, τίσ ἄρ’ ἐπαρκέσει θεῶν ἢ θεᾶν; πότερα δῆτ’ ἐγὼ <πάτρια> ποτιπέσω βρέτη δαιμόνων; ἰὼ μάκαρεσ εὐέδροι, ἀκμάζει βρετέων ἔχεσθαι· τί μέλ‐ λομεν ἀγάστονοι; ἀκούετ’ ἢ οὐκ ἀκούετ’ ἀσπίδων κτύπον; πέπλων καὶ στεφέων πότ’ εἰ μὴ νῦν ἀμ‐ φὶ λιτάν’ ἕξομεν; κτύπον δέδορκα· πάταγοσ οὐχ ἑνὸσ δορόσ. τί ῥέξεισ; προδώσεισ, παλαίχθων Ἄρησ, τὰν τεάν; ἰὼ χρυσοπήληξ δαῖμον ἔπιδ’ ἔπι‐ δε πόλιν ἅν ποτ’ εὐφιλήταν ἔθου.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기